Në stacionin Policor nё Klinë, me datёn 02.02.2021, Policia e Kosovës ka pranuar informacion se nё rrugën ‘Abedin Rexha’ në Klinё, disa persona kanë depërtuar brenda një marketi dhe kanë vjedhur gjëra ushqimore dhe sasi të konsiderueshme të  alkoolit të llojeve të ndryshme, shkruan Arbresh.info.

Ndërkaq ,njësiti i Hetimeve pranë Stacionit Policor në Klinë, pas njё pune intensive operativo-hetimore, kanë arritur tё identifikojnë dhe arrestojnë katër tё dyshuarit e moshës së mitur. Ata dyshohen se kanë kryer edhe shumë vepra tjera penale ‘Vjedhje e rëndë’ ,pas intervistimit në koordinim të plotë me Prokurorin për të mitur dhe Prokurorin për  krime të rënda, të dyshuarit ndalohen pёr 24- orё.

Ndërsa nga Gjyqtari për të mitur të dyshuarve iu është shqiptuar masa e paraburgimit prej 30 ditësh.